සාම්ප්රදායික ෆ්රැන්කන්ස්ටයින් (Frankenstein) කතන්දරය සම්පූර්ණයෙන්ම උඩුයටිකුරු කරලා, ඒකට ආදරය, අපරාධ සහ කළු හාස්යය (Dark Comedy) මුසු කරපු අපූරු සිනමා පටයක් පසුගිය මාර්තු මාසයේදී තිරගත වුණා. ඒ තමයි ප්රසිද්ධ අධ්යක්ෂිකා මැගී ජිලෙන්හෝල් (Maggie Gyllenhaal) ගේ "The Bride!" චිත්රපටය. කතාවේ පසුබිම සහ අමුතුම සහකාරිය 1930 ගණන්වල චිකාගෝ නගරය පසුබිම් කරගෙන දිවෙන මේ කතාවේ ප්රධාන චරිතය වෙන්නේ තනිවම ජීවත් වෙලා මාරම පාලුවකින් ඉන්න ෆ්රැන්කන්ස්ටයින්ගේ රකුසායි. තමන්ටම "ෆ්රෑන්ක්" (Christian Bale) කියාගන්නා මේ රකුසා, තමන්ගේ තනිකම මකාගන්න ආදරණීය සහකාරියක් නිර්මාණය කරදෙන ලෙස ඉල්ලමින් ඩොක්ටර් යුෆ්රෝනියස් (Dr. Euphronius) නැමැති විද්යාඥයා හමුවීමට යනවා. මෙහි ප්රතිඵලයක් විදිහට මේ දෙන්නා එකතු වෙලා, ඝාතනය කරලා වළදලා තිබුණු "අයිඩා" (Jessie Buckley) කියන තරුණියගේ මළසිරුර ගොඩඅරගෙන ඒකට අලුත් පණක් දෙනවා. හැබැයි පණ ලැබිලා නැගිටින මේ "මනමාලිය" හැමෝම හිතන විදියේ කීකරු, අහිංසක බිරිඳක් වෙන්න සූදානම් නැහැ. ඇයට තමන්ගේ පැරණි මතකයන් අහිමි වුණත්, ඇය තමන්ගේම නිදහස සහ බලය වෙනුවෙන් පෙනී සිටින දරුණු චරිතයක් බවට පත්වෙනවා. "බොනී සහ ක්ලයිඩ්" පන්නයේ හඹායාමක් තමන් හිතපු විදියේ සහකාරියක් නොවුණත්, ෆ්රෑන්ක් සහ මේ අලුත් මනමාලිය එකතු වෙලා පොලිසියෙන් බේරෙන්න පලායන ගමන් මුළු නගරයම හොල්ලන විදියේ "Bonnie and Clyde" පන්නයේ ත්රාසජනක අපරාධ රැල්ලක් පටන් ගන්නවා. මේ අනතුරුදායක ගමන ඇතුළේ සිද්ධ වෙන පිස්සු වැඩ සහ නොසිතූ ගැටුම් තමයි මිනිත්තු 127ක් පුරා දිවෙන මේ නිර්මාණය පුරාවටම දකින්න ලැබෙන්නේ. ක්රිස්ටියන් බේල් සහ ජෙසී බක්ලිගේ විශිෂ්ට රංගනයට අමතරව පෙන්ලෝපි කෲස් (Penélope Cruz), ඇනට් බෙනින් (Annette Bening) සහ පීටර් සාස්ගාඩ් (Peter Sarsgaard) වැනි ප්රබල හොලිවුඩ් නළු නිළියන් පිරිසක් මෙයට රංගනයෙන් දායක වෙනවා. සාමාන්ය හොරර් (Horror) චිත්රපටවල තියෙන බයගැන්වීම් වෙනුවට, සයන්ස් ෆික්ෂන් (Sci-Fi) සහ ෆැන්ටසි ලෝකයක් ඇතුළේ දිවෙන ආදරයක් වගේම උපහාසාත්මක කළු හාස්යයක් රසවිඳින්න කැමති සිනමාලෝලීන්ට මේක ගොඩක් වෙනස්ම විදියේ ආකර්ෂණීය අත්දැකීමක් වෙයි.
