Wrong Turn කිව්වම ඉතින් හොරර් ෆිල්ම් බලන කවුරුත් නොදන්න කතාවක් නෙවෙයිනේ. මෙන්න මේ පාර ගෙනාවේ ඒකේ දෙවැනි ෆිල්ම් එක. ඇත්තටම කිව්වොත් පළවෙනි ෆිල්ම් එකට වඩා මේකේ ලේ වැගිරීම්, කපන කොටන දේවල් සහ බය හිතෙන ගතිය පට්ටම වැඩියි. මේකේ කතාව පටන් ගන්නේ රියැලිටි ෂෝ එකක් කරන්න සෙට් එකක් වනාන්තරයකට යන තැනින්. උන්ගේ ප්ලෑන් එක වෙන්නේ මේ කැලෑව මැද කොහොම හරි ජීවත් වෙලා තරඟයෙන් දිනලා සල්ලි ටික ගන්න එක. හැබැයි මේ ආපු සෙට් එක සේරම දැනගෙන හිටියේ නැහැ මේ මහා කැලෑව කියන්නේ ඇඟ විකෘති වෙච්ච, මිනී මස් කන දරුණු වැද්දෝ පවුලක දඩයම් බිමක් කියලා. රියැලිටි ෂෝ එකේ කැමරා ඉස්සරහා සෙල්ලම් දාන්න ආපු අයට, අන්තිමට තමන්ගේ ජීවිතේ බේරගන්න ඇත්තටම මරණයත් එක්ක සටන් කරන්න සිද්ධ වෙනවා. එකින් එකා ඉතාමත් කැත විදිහට මේ මිනී කන්නන්ගේ ගොදුරු බවට පත්වෙද්දී, ඉතිරි වෙන අයට මේ මාරයන්ගෙන් බේරිලා පැනගන්න පුළුවන් වෙයිද කියලා බලන්න පුළුවන්. කපන කොටන, දරුණු බය හිතෙන හොරර් කතා බලන්න ආස අයට නම් මේ ෆිල්ම් එක පට්ටම ආතල් මචං.
