ඔන්න බඩ පැලෙන්න හිනා වෙන්න පුළුවන් ජාතියේ පට්ටම පිස්සු කොමඩි ෆිල්ම් එකක්! 2026 අවුරුද්දේ නිකුත් වුණු "Pizza Movie" කියන්නේ කිසිම බරක් නැතුව, යාළුවෝ සෙට් එකක් එක්ක එකතු වෙලා ආතල් එකේ බලන්න කියාපු Stoner / Buddy Comedy ගණයේ සුපිරි කතාවක්. කතාව පැත්තට හැරුණොත්, කොලේජ් එකක එකට ඉගෙන ගන්න පට්ටම ෆිට් යාළුවෝ දෙන්නෙක් වටා තමයි මේ මුළු සිදුවීමම ගෙතෙන්නේ. මුන් දෙන්නා දවසක් හදිසියේම "M.I.N.T.S." කියලා හඳුන්වන අමුතුම විදියේ මත්ද්රව්යයක් පාවිච්චි කරනවා. මේක ගත්තට පස්සේ මුන් දෙන්නට නැති ඒවා පේන්න අරන්, පට්ට විදිහට මායාවන් (hallucinations) මැවෙන්න පටන් ගන්නවා. මුළු පරිසරයම උඩුයටිකුරු වෙලා, මුන් දෙන්නට හොඳටම පිස්සු හැදෙන මට්ටමට වැඩේ දුරදිග යනවා. හැබැයි මේ දරුණු මායාවන්ගෙන් බේරිලා ආයේ සාමාන්ය තත්ත්වයට එන්න තියෙන්නේ එකම එක විසඳුමයි. ඒ තමයි කොහොම හරි ඉක්මනටම පීසා (Pizza) එකක් කන එක! ඉතින් මේ පිස්සු මානසිකත්වයෙන් ඉන්න යාළුවෝ දෙන්නා ඩ්රෝන් (Drone) එකකින් එන පීසා එකක් ඕඩර් කරනවා. හැබැයි අර මත්ගතියත් එක්ක කොලේජ් කැම්පස් එක ඇතුළේ ඉඳගෙන, ඩ්රෝන් එකෙන් එන පීසා එක තමන්ගේ අතට ගන්න මුන් දෙන්නා දෙන බිහිසුණු ගේම සහ යන පිස්සු විකාර ගමන තමයි මුළු ෆිල්ම් එක පුරාම පට්ටම හිනාවත් එක්ක පෙන්වන්නේ.
