2019 අවුරුද්දේ රිලීස් වුණු පට්ටම ආතල් රුසියානු කොමඩි ෆිල්ම් එකක් තමයි "Son of a Rich" කියන්නේ. මේකේ ඔරිජිනල් රුසියානු නම තමයි "Kholop".කතාව පැත්තට ගියොත්, මේකේ ඉන්නේ සල්ලි කෝටි ගණන් තියෙන, හැබැයි කිසිම වගකීමක් නැති, ඔලුව ඉදිමිච්ච සෙල්ලක්කාර කොල්ලෙක්. මුළු දවසෙම පිස්සු කෙළ කෙළ, සල්ලි නාස්ති කර කර ඉන්න මේ කොල්ලගේ දඟ වැඩ නිසා මිනිහගේ සල්ලි කාර තාත්තට හොඳටම ඇති වෙනවා. තාත්තා හිතනවා කොහොම හරි මේ කොල්ලව හැදියාවක් තියෙන කෙනෙක් කරන්න ඕනේ කියලා. ඉතින් තාත්තා එයාගේ යාළුවෝ සෙට් එකක් එකතු කරගෙන පට්ටම මොළේ ඇති ප්ලෑනක් ගහනවා. එයාලා ලොකු සල්ලියක් වියදම් කරලා 19 වැනි සියවසේ, ඒ කියන්නේ ඉස්සර කාලේ තිබ්බ වගේ බොරු ගමක් ඇත්තටම හදනවා. ඊට පස්සේ මේ කොල්ලව සිහි නැති කරලා ඒ බොරු ගමට අරන් ගිහින් දානවා. කොල්ලා ඇහැරුණාම මේ හැමෝම එකතු වෙලා මිනිහව රවට්ටනවා එයා අතීතයට ගිහින් ආයෙත් ඉපදිලා කියලා. ඒ විතරක් නෙවෙයි, හැමදාම රජ සැප විඳපු මේ කොල්ලට ඒ ගමේ ඉන්න වෙන්නේ අනුන්ගේ කුඹුරු වල, ගෙවල් වල කුලී වැඩ කරන සේවකයෙක් විදිහටයි. සල්ලි වල බලෙන් හැමදේම යටපත් කරන්න හදපු මේ කොල්ලා, ඒ බොරු ලෝකය ඇතුළේ හිරවෙලා ජීවිතේ ඇත්තම වටිනාකම සහ ආදරය ගැන ඉගෙන ගන්න විදිහ මාරම ලස්සනට වගේම පට්ටම කොමඩි විදිහට මේ ෆිල්ම් එකෙන් බලාගන්න පුළුවන්. හිනා වෙවී බලන්න සුපිරිම කතාවක්.
