2026 අවුරුද්දේ මාර්තු මාසයේ රිලීස් වුණු, තෙළිඟු සිනමාවේ ප්රසිද්ධ නළු පවන් කල්යාන්ගේ (Pawan Kalyan) අලුත්ම ඇක්ෂන් කොමඩි ෆිල්ම් එක තමයි "Ustaad Bhagat Singh" කියන්නේ. මේකේ ඩිරෙක්ටර් විදිහට වැඩ කරලා තියෙන්නේ හරිෂ් ශංකර් (Harish Shankar). මේ වෙනකොට මේ ෆිල්ම් එක Netflix එකෙනුත් බලන්න ලෑස්ති කරලා තියෙනවා. කතාව පැත්තට හැරුණොත්, මේක පටන් ගන්නේ කැලෑවක හැදෙන පුංචි ළමයෙක්ගෙන්. මේ ළමයාව හදාගන්න ගන්නේ ගොඩක් අවංක ගුරුවරයෙක්. එයා මේ ළමයාට "භගත් සිං" කියලා නම තියලා, හොඳ ගුණධර්ම කියලා දීලා සමාජයට වැඩදායී කෙනෙක් විදිහට හදාගන්නවා. ලොකු වෙද්දී මේ කොල්ලා හැදෙන්නේ කිසිම දේකට බය නැති, අසාධාරණයට එරෙහිව කෙළින් හිටගන්න, නීතිය අකුරටම රකින දක්ෂ පොලිස් නිලධාරියෙක් විදිහටයි. දේශපාලන බලය පාවිච්චි කරලා සාමාන්ය මිනිස්සුන්ව පාගගෙන ඉන්න දූෂිත මැරයෙක් එක්ක මේ පොලිස් නිලධාරියා යන දරුණු ගැටුම තමයි ෆිල්ම් එක පුරාම බලාගන්න පුළුවන් වෙන්නේ. පවන් කල්යාන් එක්ක ශ්රීලීලා (Sreeleela) සහ රාශි ඛන්නා (Raashii Khanna) මෙහි ප්රධාන චරිත වලට රඟපානවා. ප්රධාන දුෂ්ටයා විදිහට ආර්. පාර්තිබන් (R. Parthiban) කරපු රඟපෑමත් ගොඩක් කැපී පේනවා. මේ ෆිල්ම් එකට විචාරකයන්ගෙන් නම් ඒ තරම් ලොකු හොඳ ප්රතිචාරයක් ලැබුණේ නැහැ. පරණ තෙළිඟු ෆිල්ම් වල තිබ්බ සාමාන්ය කතාවම ආයෙත් අරන් ඇවිත් කියලා තමයි ගොඩක් අය කියන්නේ. හැබැයි ඉතින් කතාව කොහොම වුණත්, පවන් කල්යාන්ගේ සුපුරුදු ඇක්ෂන් ගතිය, ගැම්ම වගේම ලස්සන දෙබස් අඩුවක් නැතුව තියෙන නිසා, සාමාන්ය විනෝදාත්මක ඇක්ෂන් ෆිල්ම් එකක් බලන්න කැමති අයට නම් මේක හොඳට එන්ජෝයි කරන්න පුළුවන් හොඳ ෆිල්ම් එකක්.
