2024 අවුරුද්දේ රිලීස් වුණු, පළමු ලෝක යුද්ධය ගැන කියවෙන ගොඩක් ලස්සන වෝ ඩ්රාමා (War Drama) වර්ගයේ ෆිල්ම් එකක් තමයි "Before Dawn" කියන්නේ. මේකේ ඩිරෙක්ටර් විදිහට ජෝර්ඩන් ප්රින්ස්-රයිට් (Jordon Prince-Wright) වැඩ කරලා තියෙනවා. සාමාන්යයෙන් යුද ෆිල්ම් වල පෙන්වන වීරකම් විතරක් නෙවෙයි, යුද්ධයේ තියෙන දරුණු සහ අඳුරු පැත්ත මේ ෆිල්ම් එකෙන් ගොඩක් තාත්විකව පෙන්වනවා. කතාව පැත්තට හැරුණොත්, මේකේ ඉන්නේ ජිම් කියලා ඕස්ට්රේලියාවේ ගොවිපලක වැඩ කරන තරුණයෙක්. එයා තමන්ගේ රට වෙනුවෙන් සටන් කරන්න පළමු ලෝක යුද්ධයට එකතු වෙනවා. හැබැයි යුද පිටියට ගියාට පස්සේ ජිම්ට මුහුණ දෙන්න වෙන්නේ එයා කවදාවත් බලාපොරොත්තු නොවුණු විදියේ බිහිසුණු දේවල් වලටයි. යුරෝපයේ බටහිර යුද භූමියේ තියෙන අගල් (Trenches) ඇතුළේ සොල්දාදුවෝ විඳින දරුණු දුෂ්කරතා මේකෙන් ලස්සනට පෙන්වනවා. නොනවතින්න වහින වැස්ස, මඩ, එක එක ලෙඩ රෝග වගේම හැමවෙලේම මැරෙන්න වෙයිද දන්නේ නැති ලොකු මානසික පීඩනයක් යටතේ තමයි මේ හැමෝටම ඉන්න වෙන්නේ. මේ කතාව ගොඩක් දුරට හදලා තියෙන්නේ ඒ කාලේ යුද්ධයට ගිය සැබෑ සොල්දාදුවන් ලියපු දිනපොත් ආශ්රය කරගෙනයි. ඒ නිසා සොල්දාදුවන් අතර තියෙන බැඳීම, මිත්රත්වය වගේම ජීවිතය බේරාගන්න එයාලා කරන සටන හදවතටම දැනෙන විදියට බලාගන්න පුළුවන්. තමන්ගේ යාළුවෝ බේරගෙන ජිම්ට ආපහු පණපිටින් තමන්ගේ ගමට එන්න ලැබෙයිද කියලා දැනගන්න මේ ෆිල්ම් එක බලන්නම වෙනවා. යුද්ධය ගැන කියවෙන ඓතිහාසික කතා බලන්න කැමති අයට කම්මැලිකමක් නැතුව බලන්න පුළුවන් හොඳ ෆිල්ම් එකක්.
