"Spider-Noir" (Season 01 - 2026) කියන්නේ සාමාන්ය Marvel හෝ Spider-Man කතාවලට වඩා හාත්පසින්ම වෙනස්, අඳුරු අපරාධ (Dark Crime / Noir) පැත්තට බර කරලා හදපු, කොටස් 8කින් සමන්විත සුපිරිම සජීවී ක්රියාදාම (Live-Action) කතා මාලාවක්. කතාව දිවෙන්නේ 1930 ගණන්වල, මහා ආර්ථික අවපාතයෙන් (Great Depression) බැටකන නිව්යෝර්ක් නගරය වටායි. මේ ලෝකයේ අපිට බලාගන්න ලැබෙන්නේ අපි හැමදාම දකින පීටර් පාකර්ව නෙවෙයි. මෙහි ප්රධානියා වෙන්නේ බෙන් රයිලි (Ben Reilly). එයා දැන් වයසට ගිය, ජීවිතය ගැන කලකිරුණු, එදිනෙදා ජීවිතය ගැටගහගන්නත් සෑහෙන්න කට්ටක් කන පෞද්ගලික රහස් පරීක්ෂකයෙක් (Private Investigator). තමන් එක කාලෙක මේ මුළු නගරයම බේරගත්ත එකම එක සුපිරි වීරයා කියන රහස හැමෝගෙන්ම හංගගෙන, පාතාලයේ තියෙන අඳුරු අපරාධ නඩු විසඳමින් තමයි මෙයා දැන් කාලය ගෙවන්නේ. හැබැයි නිව්යෝර්ක් නගරයේ පාතාල ලෝකයෙන් සහ දූෂිත බලවේගවලින් නැවතත් මහා පරිමාණයේ බිහිසුණු අභියෝගයක් එල්ල වෙද්දී, මෙයාට තමන් අතහැරලා දාපු ඒ පරණ වෙස්මුහුණ සහ කබාය ආයෙත් ඇඟට දාගන්න සිද්ධ වෙනවා. තමන්ගේම අතීතයෙන් සහ කලකිරුණු මතකයන්ගෙන් බේරෙන්න හදන මේ වීරයා, සතුරන් එක්ක වගේම තමන්ගේම හිත ඇතුළේ තියෙන අඳුරු සෙවණැල්ල එක්කත් ලොකු සටනක් කරනවා. සාමාන්යයෙන් දකින්න ලැබෙන විචිත්රවත්, සෙල්ලක්කාර ස්පයිඩර්මෑන් කතාවලින් මිදිලා, හොලිවුඩයේ පරණ Noir (අඳුරු සිනමාපට) ශෛලියට, කුතුහලය සහ මාරම ක්රියාදාම ජවනිකා මැදින් ගලාගෙන යන මේ කතාව, සුපිරි වීර කතාවලට වඩා Crime Thriller සහ Mystery කතාවලට ආස කරන අයට එක දිගටම පිස්සුවෙන් වගේ බලන්න පුළුවන් නියම Series එකක් විදියට හඳුන්වන්න පුළුවන්.
