Anatomy of a Scandal (2022) කියන්නේ බ්රිතාන්ය දේශපාලනයේ ඉහළම තලයේ බලය, වරප්රසාද සහ අඳුරු රහස් අධිකරණය හමුවේ දිගහැරෙන ආකාරය පෙන්වන, Netflix හරහා නිකුත් වුණු කථාංග 6කින් සමන්විත අතිශය කුතුහල පිරි කෙටි (Miniseries) ටෙලි කතාමාලාවක්. Psychological Thriller සහ Legal Drama ශානරයන් ඔස්සේ නිමවා ඇති මෙම නිර්මාණයට ප්රේක්ෂකයන්ගෙන් IMDb දර්ශකයේ 7.0ක හොඳ අගයක් ලැබී තිබෙනවා. මෙහි කතාව ගෙතෙන්නේ බ්රිතාන්ය පාර්ලිමේන්තු මන්ත්රීවරයෙකු මෙන්ම අමාත්යවරයෙකු වන ජේම්ස් වයිට්හවුස් (Rupert Friend) සහ ඔහුගේ බිරිඳ සොෆී (Sienna Miller) ගත කරන සුඛෝපභෝගී සාමකාමී ජීවිතය, ජේම්ස් සමඟ රහසිගත සබඳතාවක් පැවැත්වූ ඔලිවියා (Naomi Scott) නැමැති පර්යේෂකවරිය විසින් ඔහුට එරෙහිව එල්ල කරන බරපතල ලිංගික අතවර චෝදනාවක් නිසා එකවරම කණපිට පෙරළීමත් සමඟයි. තමන්ට ඇති සමාජ තත්ත්වය සහ දේශපාලන බලය නිසා ඕනෑම වංචාවකින් ගැලවිය හැකි යැයි අධි-විශ්වාසයකින් පසුවන ජේම්ස්ට එරෙහිව, සත්යය වෙනුවෙන් පෙනී සිටින දැඩි ප්රතිපත්තිගරුක රජයේ නීතිඥවරියක වන කේට් වුඩ්ක්රොෆ්ට් (Michelle Dockery) උසාවිය තුළ දැවැන්ත නීතිමය සටනක් මෙහෙයවනවා. තම සැමියාගේ නිර්දෝෂීභාවය විශ්වාස කරනවාද නැතහොත් මතු වන සාක්ෂි හමුවේ සැඟවුණු අඳුරු සත්යය පිළිගන්නවාද යනුවෙන් සොෆී මුහුණ දෙන මානසික අරගලයත්, අතීතයේ සිදුකළ වැරදි වර්තමාන දේශපාලන ප්රතිරූපයන් විනාශ කර දමන ආකාරයත් මනුෂ්ය මනස සහ පාවාදීම් කලතමින් මෙම කෙටි කතාමාලාව පුරාම ඉතාමත් සූක්ෂම ලෙස සහ තිගැස්මෙන් යුතුව නිරූපණය වෙනවා.
