"The Twits" (2025) කියන්නේ ලෝක ප්රසිද්ධ ළමා කතා රචක රොල්ඩ් ඩාල් (Roald Dahl) ලියපු අතිශය ජනප්රිය "The Twits" පොත ඇසුරින් Netflix හරහා නිකුත් වුණු, පට්ටම ලස්සන හැබැයි ටිකක් අමුතු ඩාර්ක් කොමඩි (Dark Comedy) ඇනිමේෂන් ෆිල්ම් එකක්. කතාව යන්නේ ලෝකෙ ඉන්න ජරාම, කපටිම සහ නපුරුම ජෝඩුව විදියට සැලකෙන මිස්ටර් සහ මිසිස් ට්විට් (Mr. & Mrs. Twit) වටායි. මේ නපුරු ජෝඩුව තමන්ගේම කියලා අමුතුම විනෝද උද්යානයක් (Twitlandia) හදාගෙන ඉන්නවා. හැබැයි මේ පාර්ක් එක දුවන්නේ කරන්ට් එකෙන් නෙවෙයි; ලුම්පාලෑන්ඩ් (Loompaland) දූපතෙන් හොරකම් කරගෙන ආපු "Muggle-Wumps" කියන මැජික් සත්තු ජාතියකගේ කඳුළුවල තියෙන බලයෙන්. මේ කුරිරු යුවළ සත්තුන්ව උඩුයටිකුරු කරලා එල්ලලා බලෙන්ම අඬවලා ගන්න කඳුළුවලින් තමයි පාර්ක් එක රන් කරන්නේ. මේ අතරේ මුළු ට්රිපරොට් (Triperot) නගරය පුරාම දියරමය හොට් ඩෝග් මස් ගංවතුරක් යවලා මුන් දෙන්නා ලොකු විනාශයකුත් කරනවා. මේ විනාශය නවත්තන්නයි, අර අහිංසක මැජික් සත්තු ටික බේරගන්නයි ඉදිරිපත් වෙන්නේ අනාථ නිවාසෙක හැදෙන බීෂා (Beesha) සහ බබ්සි (Bubsy) කියන නිර්භීත ළමයි දෙන්නා. එයාලා අර මැජික් සත්තු එක්ක එකතු වෙලා මේ නපුරු ට්විට් යුවළට පට්ටම පාඩමක් උගන්වන හැටි හාස්යය මුසුව මේකෙන් බලාගන්න පුළුවන්. "Wreck-It Ralph" වැනි සුපිරි ඇනිමේෂන්වලට දායක වුණු ෆිල් ජොන්ස්ටන් (Phil Johnston) සහ ටොඩ් ඩිමොන්ග් එකතු වෙලා අධ්යක්ෂණය කරපු මේ ෆිල්ම් එකේ Mr. Twit ට ජොනි වේගාස් සහ Mrs. Twit ට මාගෝ මාටින්ඩේල් හඬින් දායක වෙනවා. මීට අමතරව එමිලියා ක්ලාක්, නටාලි පෝට්මන් වැනි සුපිරි තරු රැසකුත් මෙයට හඬකැවීමෙන් එකතු වෙනවා. කතාවේ තියෙන අමුතුම (Weird) සහ ඩාර්ක් කොමඩි ස්වරූපය නිසා විචාරකයින් අතර සෙලවෙන රේටින්ග්ස් ලැබුණත්, රොල්ඩ් ඩාල්ගේ අමුතු මැජික් ලෝකවලට ආස කරන අයටයි, සාමාන්ය රාමුවෙන් පිට පැනපු වෙනස්ම විදියේ වික්රමාන්විත ඇනිමේෂන් එකක් බලන්න කැමති අයටයි පවුලේ හැමෝම එක්ක එකට වාඩි වෙලා සති අන්තයේ සිනහවෙවී බලන්න පුළුවන් මරු ෆිල්ම් එකක් විදියට මේක හඳුන්වන්න පුළුවන්.
