යාළුකම, ආදරය වගේම යාළුවෝ සෙට් එකක් එකතු වුණාම වෙන පිස්සු වැඩ හින්දා සිද්ධ වෙන අකරතැබ්බවල් අලලා හදපු, තරුණ අයට මරු විනෝදාත්මක දෙමළ චිත්රපටයක් තමයි "Mustafa Mustafa" කියන්නේ. පසුගිය මාර්තු මාසයේදී තිරගත වුණු, විනාඩි 108ක් දිවෙන මේ කොමඩි ඩ්රාමා (Comedy Drama) සිනමාපටයට IMDb එකේ නම් ලැබිලා තියෙන්නේ 4.1ක වැනි මධ්යස්ථ අගයක්. හැබැයි යාළුවෝ එක්ක ජොලියට බලන්න කියාපු කතාවක් මේකේ තියෙනවා. කතාව පැත්තට හැරුණොත්, කාර්තික් කියන්නේ තමන් පණ වගේ ආදරය කරන "ස්ටෙෆි" එක්ක ළඟදීම කසාද බඳින්න සේරම ලෑස්ති කරගෙන ඉන්න තරුණයෙක්. ඉතින් වෙඩින් එකට දවස් දෙකකට කලින්, කාර්තික් තමන්ගේ යාළුවෝ සෙට් එකත් එක්ක ලොකු බැචලර් පාටියක් (Bachelor Party) දාන්න යනවා. සාමාන්යයෙන් කෙල්ලට දීපු පොරොන්දුවක් නිසා කවදාවත් මත්පැන් පාවිච්චි නොකරන කාර්තික්, එදා රෑ යාළුවන්ගේ තදබල බලකිරීම නිසා පොඩ්ඩක් බොනවා. හැබැයි සේරම අවුල් වෙන්නේ පහුවදා උදේ නැගිට්ටට පස්සෙයි. කාර්තික් වෙනත් කෙල්ලෙක් එක්ක කාමරයක ඉන්න රහසිගත වීඩියෝ එකක් කවුරුන් හෝ විසින් අන්තර්ජාලයට මුදාහැරලා (Leak කරලා) තියෙනවා කියලා එයාට දැනගන්න ලැබෙනවා. මේක කසාද බඳින්න ඉන්න ස්ටෙෆි දැක්කොත් වෙඩින් එක එතනින්ම ඉවරයි කියලා කාර්තික් හොඳටම දන්නවා. ඊට පස්සේ තමන්ගේ කසාද ජීවිතය බේරගන්නයි, මේ වීඩියෝ එක අන්තර්ජාලයට දාපු හැකර්ව (Hacker) හොයාගන්නයි කාර්තික් තමන්ගේ යාළුවෝ සෙට් එකත් එක්ක එකතු වෙලා මාර කට්ටක් කනවා. මේ එක බොරුවක් වහන්න ගිහින් මුළු යාළුවෝ සෙට් එකටම තව බොරු දාහක් කියන්න සිද්ධ වෙනවා. වෙඩින් එකට කලින් මේ වීඩියෝ එක අන්තර්ජාලයෙන් අයින් කරලා, තමන්ගේ ආදරය බේරගන්න කාර්තික්ට පුළුවන් වෙයිද? ඇත්තටම මේ හැමදේම පිටුපස ඉඳගෙන ගේම ගහපු කෙනා කවුද? අන්තිම වෙනකම්ම හිනාවෙවී බලන්න පුළුවන් මේ යාළුවෝ සෙට් එකගේ පිස්සු හැදෙන ගමන ඔයාලත් නරඹලාම දැනගන්න.
