අද අරන් ආවේ 2025 අවුරුද්දේ ආපු "Middle Class" කියන සුපිරිම දමිළ ෆිල්ම් එකට. මේකේ රචනය සහ අධ්යක්ෂණය කරලා තියෙන්නේ කිශෝර් එම්. රාමලිංගම්. මුනිශ්කාන්ත් සහ විජයලක්ෂ්මි තමයි මේකේ ප්රධාන චරිත කරන්නේ. ඉන්දියන් ෆිල්ම් බලන කෙනෙක් නම් මුනිශ්කාන්ත් කියන්නේ කවුද කියලා අමුතුවෙන් කියන්න ඕනේ නැහැනේ. කතාව ගැන කියනවා නම්, මාක්ස් කියලා කියන්නේ මධ්යම පාන්තික පවුලක් බලාගෙන ඉන්න හරිම සාමාන්ය මනුස්සයෙක්. මාක්ස්ගේ ජීවිතේ තියෙන ලොකුම ප්රශ්නේ තමයි සල්ලි අග හිඟකම්. තමන්ගේ බිරිඳගේ සහ දරුවන්ගේ අවශ්යතා ඉටු කරගන්න තරම්වත් මාක්ස්ගේ අතේ සල්ලි නැති නිසා එයා දවසම මහන්සි වෙන්නේ ඒ දේවල් ටික හරිගස්සගන්න. හැබැයි මේ ඔක්කොම අවුල් වෙලා තියෙන වෙලාවක, මාක්ස්ගේ වාසනාව එකපාරටම පෑදෙනවා. එයාට හිතාගන්නවත් බැරි විදියට ලොකු සල්ලි කන්දක් ලැබෙනවා. මුලින් නම් මේ සල්ලි වලින් එයාගේ ප්රශ්න විසඳෙයි කියලා හිතුවත්, ඇත්තටම වෙන්නේ ඒකටත් වඩා ලොකු ප්රශ්න කන්දක් මාක්ස්ට එකතු වෙන එකයි. සල්ලි පස්සේ යනකොට එන අමාරුකම්, ඒ වගේම පවුලේ අය අතරේ ඇතිවෙන හැල හැප්පීම් එක්ක මාක්ස් මේ දේවල් බැලන්ස් කරගන්නේ කොහොමද කියන එක තමයි ෆිල්ම් එකේ තියෙන වැදගත්ම දේ. අපි හැමෝම වගේ මධ්යම පන්තියේ ජීවිත ගෙවන නිසා, මාක්ස්ට මුහුණ දෙන්න සිද්ධ වෙන මේ හැම අභියෝගයක්ම අපිට හරිම සමීප අත්දැකීමක් වගේ දැනේවි. සල්ලි තියෙනකොට එක විදියකටත්, නැතිකොට තව විදියකටත් සමාජය අපේ දිහා බලන හැටි මේ ෆිල්ම් එකෙන් බොහොම ලස්සනට පෙන්වලා තියෙනවා. කතාවේ යන බරපතළ සිදුවීම් අතරේ වුණත් මුනිශ්කාන්ත්ගේ රංගනය නිසා කතාවේ පොඩි සැහැල්ලුවක් තියෙනවා. තමන්ගේ පවුල වෙනුවෙන් ඕනෑම දෙයක් කරන මනුස්සයෙක් අවසානයේදී තමන්ගේ ජීවිතේ වැදගත්ම තීරණය ගන්නේ කොහොමද කියන දේ මේ ෆිල්ම් එකේ ලස්සනට ගොඩනගලා තියෙනවා. මධ්යම පන්තියේ අපිටම ගැලපෙන, අපේම ජීවිතේ කතා තියෙන මේ ෆිල්ම් එක අනිවාර්යයෙන්ම බලන්න ඕනේ එකක්.
