මේ දවස්වල තෙළිඟු සිනමාවේ Horror Comedy පැත්තට අලුතින්ම එකතු වෙච්ච පට්ටම ෆිල්ම් එකක් තමයි “Love You Raa” (2025) කියන්නේ. සාමාන්යයෙන් හොල්මන් ෆිල්ම් එකක් කියද්දී බය හිතෙන දේවල් විතරමනේ දකින්න ලැබෙන්නේ, හැබැයි මේකේ ඒ බයත් එක්කම බඩ පැලෙන්න හිනා වෙන්න පුළුවන් විදියේ සීන්ස් ගොඩක් තියෙනවා. කතාව පටන් ගන්නේ එකටම ඉන්න යාළුවෝ සෙට් එකක් රෑක හොල්මන් ෆිල්ම් එකක් බලන්න ගිහින් ඇතිවෙන වාදයකින්. හොල්මන් කියලා ජාතියක් නැහැ කියලා සයි කියන කතාවට මල පැනපු ශේකර්, රුපියල් ලක්ෂ පහක ඔට්ටුවකුත් අල්ලලා සයිව පාලු බංගලාවකට යවනවා. විහිළුවට පටන් ගත්ත මේ ඔට්ටුව, කොල්ලගේ ජීවිතයම උඩුයටිකුරු කරන බිහිසුණු අත්දැකීමක් වෙන විදිය තමයි ෆිල්ම් එක පුරාම දිගහැරෙන්නේ. නවක නළු Chinnu Krish මේ ෆිල්ම් එකෙන් පට්ටම එන්ට්රියක් දීලා තියෙනවා. Geethika Ratan එක්ක එයාගේ තියෙන රසායනය ෆිල්ම් එකට අමුතුම ලස්සනක් ගේනවා. අනිත් එක තමයි Shaking Seshu සහ Jabardasth Appa Rao වගේ ප්රහසන නළුවෝ ටිකක් ඉන්න හින්දා හිනා වෙන්න නම් කිසිම අඩුවක් වෙන්නේ නැහැ. ෆිල්ම් එකේ මුල් භාගයේ තිබ්බ විනෝදකාමී ගතිය මැදදී එකපාරටම මාරු වෙලා කුතුහලය ඉහළ යන විදිය නම් අති දක්ෂයි. විශේෂයෙන්ම කියන්න ඕනේ ෆිල්ම් එකේ අන්තිම මිනිත්තු කිහිපයේ එන Twist එක ගැන, ඒක නම් ප්රේක්ෂකයා හිතන්නේවත් නැති පැත්තකට කතාව හරවලා දානවා. Eswar Peravaliගේ මියුසික් එකත් ෆිල්ම් එකේ බයත්, ආදරෙත් දෙකම මනාවට මතු කරලා තියෙනවා. ඉතින් සති අන්තයේ පවුලේ සැමටම එකට වාඩිවෙලා හිනාවෙවී බලන්න කියාපු සුපිරිම තෙළිඟු මූවී එකක් විදියට මේක හඳුන්වන්න පුළුවන්. ඇත්තටම මේ වගේ වෙනස් විදියේ හොල්මන් ෆිල්ම් එකක් බලන එක පට්ට අත්දැකීමක් වෙයි. හැමෝටම ජය වේවා!
