"The Berlin File" සහ "Escape from Mogadishu" වැනි සුප්රසිද්ධ ක්රියාදාම චිත්රපට අධ්යක්ෂණය කළ ර්යූ සූන්ග්-වන් (Ryoo Seung-wan) ගේ අලුත්ම දකුණු කොරියානු සිනමා නිර්මාණය තමයි "Humint" කියන්නේ. රුසියාවේ ව්ලැඩිවොස්ටොක් (Vladivostok) නගරය පසුබිම් කරගෙන හැදුණු මේ චිත්රපටය, මිනිස් ඔත්තුකරුවන් හරහා රහසිගත තොරතුරු ලබාගන්නා ආකාරය වටා අපූරුවට ගෙතී තිබෙනවා. මෙහි ප්රධාන කතාව ගලා යන්නේ ජාත්යන්තර මත්ද්රව්ය සහ මිනිස් ජාවාරමක් මැඩපැවැත්වීමට පස්සෙන් පන්නන දකුණු කොරියානු ඔත්තු සේවා නිලධාරියෙක් (Zo In-sung) වටායි. මේ විමර්ශනය අතරතුරදී ඔහුට මුහුණ දීමට සිදුවන අනපේක්ෂිතම ගැටලුව වන්නේ උතුරු කොරියානු ඔත්තුකරුවෙකුත් මේ සිදුවීමට මැදිහත් වීමයි. මුලදී එකිනෙකා කෙරෙහි දැඩි සැකයකින් පසුවන, කිසිම දේකට එකඟ නොවන මේ හතුරන් වගේ ඉන්න ඔත්තුකරුවන් දෙන්නාට, රුසියානු පාතාල කල්ලියට එරෙහිව සටන් කිරීම සඳහා අවසානයේදී එකට එකතු වෙන්න සිද්ධ වෙනවා. ලෝකය පුරා නෙට්ෆ්ලික්ස් (Netflix) ජනප්රියම සිනමාපට ලැයිස්තුවට පවා ඇතුළත් වී තිබෙන මේ නිර්මාණය, ආරම්භයේ සිට අවසානය දක්වාම ඉතාමත් වේගවත් ක්රියාදාම ජවනිකා වලින් සමන්විතයි. ඔත්තුකරුවන්ගේ රහසිගත මෙහෙයුම් සහ ත්රාසජනක සටන් ජවනිකා සහිත කොරියානු සිනමාපට නැරඹීමට කැමති රසිකයන්ට මෙය කදිම තේරීමක්.
