ළඟදීම තිරගත වුණු, යාළුවෝ සෙට් එකත් එක්ක වගේම පවුලේ හැමෝටම එකට ඉඳලා හිනාවෙවී බලන්න පුළුවන් මරු දෙමළ ෆිල්ම් එකක් තමයි "Happy Raj" කියන්නේ. පසුගිය මාර්තු 27 වෙනිදා රිලීස් වුණු මේ රොමෑන්ස්, කොමඩි, ඩ්රාමා (Romance, Comedy, Drama) ගණයේ චිත්රපටයට IMDb එකේ 5.0ක සාධාරණ රේටින් එකක් ලැබිලා තියෙනවා. මෙහි ප්රධාන චරිත කරන්නේ ජනප්රිය නළු ජී. වී. ප්රකාශ් කුමාර් (G. V. Prakash Kumar) සහ ශ්රී ගෞරි ප්රියා (Sri Gouri Priya) විසිනුයි. විශේෂම දේ තමයි, ඉස්සර අපේ රටේත් පට්ටම ජනප්රිය වුණු "අබ්බාස්" (Abbas) කාලෙකට පස්සේ නැවතත් සිනමාවට එන්නේ මේ ෆිල්ම් එක හරහායි. කතාව පැත්තට හැරුණොත්, මෙහි ප්රධාන චරිතය වෙන්නේ "හැපි" (Happy). හැපි කියන්නේ ගමක ඉන්න සැර ගුරුවරයෙක්ගේ පුතෙක්. පොඩි කාලේ තාත්තා එක්ක මාර ළඟින් හිටියත්, වයසින් මුහුකුරා යද්දී යාළුවෝ තාත්තාගේ සැර ගතිගුණවලට විහිළු කරන්න ගත්ත නිසා හැපි තාත්තාගෙන් ටිකක් ඈත් වෙනවා. හැපි ඉස්කෝලේ යන කාලේ ඉඳන්ම කෙල්ලෙක් දාගන්න මාර ට්රයි එකක් දුන්නත්, මූ ලංවෙන ලංවෙන හැම කෙල්ලෙක්ටම හැපිගේ තාත්තා එක එක විදිහේ දඬුවම් දෙනවා. මේ නිසා ගමේ කිසිම කෙල්ලෙක් හැපිට සෙට් වෙන්න කැමති වෙන්නේ නැහැ. අන්තිමේදී ගමේ ඉඳලා කවදාවත් කෙල්ලෙක් සෙට් කරගන්න හම්බවෙන්නේ නැහැ කියලා හිතලා, හැපි බැංගලෝර්වල කම්පැනි එකක ජොබ් එකකට යනවා. ඔය අතරේ මේ කම්පැනි එකට අලුතින් ටීම් ලීඩර් (Team Leader) කෙනෙක් විදිහට "කාව්යා" කියලා ලස්සන කෙල්ලෙක් එකතු වෙනවා. හැපිගේ හිත කාව්යාට ඇදී යනවා වගේම, කාලයක් යද්දී කාව්යාත් හැපිට ඇත්තටම ආදරය කරන්න පටන් ගන්නවා. හැබැයි කාව්යා හැපිට එක මරු කොන්දේසියක් දානවා. ඒ තමයි, "අපේ කසාදෙට කැමති වෙන්න නම් පවුල් දෙකේ අය හම්බවෙලා කතා කරගන්න ඕනේ" කියන එක. අන්න එතනින් තමයි නියම කොමඩිය පටන් ගන්නේ. මොකද හැපිගේ තාත්තා අතිශය සාම්ප්රදායික, ගමේ හැදුණු, අමුතු ගතිගුණ තියෙන කෙනෙක්. හැබැයි කාව්යාගේ තාත්තා (රජිව්) කියන්නේ පිටරටක ජීවත් වෙන (NRI), මාරම මොඩන් විදිහට හිතන සල්ලිකාරයෙක්. මේ සම්පූර්ණයෙන්ම වෙනස් ලෝක දෙකක ඉන්න තාත්තලා දෙන්නා මූණට මූණ හම්බවුණාම සිද්ධ වෙන පිස්සු හැදෙන වලි, ගැටුම් සහ හාස්යජනක සිදුවීම් මාලාව තමයි පැය 2යි විනාඩි 40ක් (මිනිත්තු 159ක්) පුරා දිවෙන මේ කතාවෙන් බලාගන්න පුළුවන් වෙන්නේ. ඉතින් මේ තාත්තලා දෙන්නගේ වලි මැදින් හැපිට තමන්ගේ ආදරය දිනාගෙන කාව්යාව කසාද බඳින්න පුළුවන් වෙයිද කියලා ඔයාලම නරඹලා දැනගන්න!
