තමන්ගේ ලේ වැකි සහ අඳුරු අතීතය අමතක කරලා, දකුණු ඇමරිකාවේ කොලොම්බියාවට වෙලා සාමකාමී ජීවිතයක් ගත කරන්න බලාපොරොත්තුවෙන් පැමිණෙන මාරාන්තික රහස් ඝාතකයෙකු (Assassin) වටා ගෙතුණු අපූරු ඇක්ෂන් ත්රිලර් වර්ගයේ චිත්රපටයක් තමයි "Dominique" කියන්නේ. 2024 වර්ෂයේ ඔක්තෝබර් මාසයේදී නිකුත් වුණු, විනාඩි 94ක් පුරා දිවෙන මේ නිර්මාණයට IMDb දර්ශකයේ 6.7ක හොඳ ප්රේක්ෂක අගයක් ලැබිලා තියෙනවා. කතාව පැත්තට හැරුණොත්, ප්රධාන චරිතය වන ඩොමිනික් (Oksana Orlan) ගමන් කරන ගුවන් යානය දකුණු ඇමරිකාවේ කැලෑබද ප්රදේශයකට කඩාවැටීමෙන් පසුව, ඇයව බේරාගෙන රැකවරණය දෙන්නේ එහේ ඉන්න එක අහිංසක පවුලක් විසිනුයි. මේ පවුලේ ඉන්නවා ජුලියෝ (Sebastián Carvajal) කියලා අවංක පොලිස් නිලධාරියෙක්. ඔහු ළඟ තමන්ගේම පොලිස් ප්රධානියා වන සන්තියාගෝ (Maurice Compte) ඇතුළු දූෂිත නිලධාරීන් පිරිසක් එරෙහි වන අයට වධහිංසා පමුණුවන සහ ‘De La Cruz’ කියන මත්ද්රව්ය කාටෙල් එක (Cartel) වෙනුවෙන් මිනිස්සු ඝාතනය කරන වීඩියෝ සාක්ෂි අඩංගු මෙමරිකාඩ් එකක් තියෙනවා. මේ සාක්ෂි තමන් සතු බව ජුලියෝ විසින් ඉහළ බලධාරීන්ට දන්වන්න උත්සාහ කරන බව දැනගන්නා දූෂිත පොලිස් ප්රධානියා, තමන්ගේ වැරදි වසාගන්න ජුලියෝ ඇතුළු ඔහුගේ මුළු පවුලම ඝාතනය කරන්න තමන්ගේ සන්නද්ධ මැර කණ්ඩායම් සහ පොලිස් භටයන්ව පිටත් කර හරිනවා. නමුත් මේ දූෂිත නිලධාරීන් නොදන්නා ලොකුම දේ තමයි, මේ පවුල ආරක්ෂා කරන්න ඔවුන් මැද ඉන්නේ සාමාන්ය බියගුලු විදේශික කාන්තාවක් නෙවෙයි, ඕනෑම දරුණු සටන්කාමීන් කණ්ඩායමක් වුණත් තනිවම විනාශ කර දැමිය හැකි, යුද පුහුණුව ලත් "One-Woman Army" එකක් බඳු භයානක ගැහැණියක් බව. තමන්ට පිහිට වුණු අහිංසක පවුල වෙනුවෙන් නැවත වතාවක් තමන්ගේ දෑතට අවි ආයුධ ගන්නා ඩොමිනික්, මුළු පළාතම පාලනය කරන දූෂිත පොලිස් බලඇණියට සහ මත්ද්රව්ය කල්ලියට එරෙහිව දියත් කරන ලේ වැගිරුණු සටන මෙහි ඉතාමත් වේගවත් ක්රියාදාම ජවනිකා සමඟින් දැකගත හැකියි. "John Wick" හෝ "Nobody" වැනි තනි පුද්ගල මෙහෙයුම් සහ පළිගැනීම් තේමා කරගත්තු සටන් කාණ්ඩයේ චිත්රපට ප්රිය කරන අයට මේක හොඳ තේරීමක්.
