"Borbaad" (2025) කියන්නේ බෙංගාලි සිනමාවෙන් ආපු, දකුණු ඉන්දීය ෆිල්ම් වල ස්ටයිල් එකට හදපු පට්ටම බ්ලොක්බස්ටර් ඇක්ෂන් ත්රීලර් ෆිල්ම් එකක්. කතාව පටන් ගන්නේ ලස්සන ආදර කතාවකින් වුණත්, නීටූ (ඉදිකා පෝල්) කියන තරුණිය අතින් සිද්ධ වෙන ලොකු හිත රිදවීමක් නිසා ආරියන් මිර්සා (ශකීබ් ඛාන්) කියන තරුණයාගේ මුළු ජීවිතයම කඩුකප්පල් වෙලා යනවා. තමන්ට සිද්ධ වුණු මේ අසාධාරණය නිසා හිතේ ඇතිවෙන තද වෛරයත් එක්ක, ආරියන් තමන්ගේ තාත්තාගේ මඟපෙන්වීම ඇතුව නීතියයි යුක්තියයි හැමදේටම අභියෝග කරලා දරුණු පළිගැනීමේ සටනක් පටන් ගන්නවා. මුලින් ආදර කතාවක් වගේ ගියපු මේ ෆිල්ම් එක පස්සේ කාලේදී ලේ වැකි ප්රචණ්ඩකාරී ඇක්ෂන් ෆිල්ම් එකක් බවට හැරෙනවා. කතාවේ උච්චතම අවස්ථාව වෙන්නේ අවසානයේදී උසාවියක් ඇතුළේ සිද්ධ වෙන පට්ටම නීතිමය සහ ආවේගශීලී ගැටුමයි. තරුණ අධ්යක්ෂක මෙහෙදී හසන් විසින් කරපු මේ නිර්මාණය, බෙංගාලි සිනමාවේ ලොකු හැරවුමක් කරපු එකක් විදියට හඳුන්වන්න පුළුවන්. මෙහි ප්රධාන චරිතය කරන්නේ බංග්ලාදේශ සිනමාවේ මෙගාස්ටාර් වෙන ශකීබ් ඛාන්. එයාගේ රළු පෙනුම (Mass Look) සහ ෆයිට් සීන් ටික සිනමාශාලාවල ප්රේක්ෂකයින් පිස්සු වැට්ටුවා කියලා තමයි කියන්නේ. ප්රධාන නිළිය වෙන ඉදිකා පෝල් වගේම, දක්ෂ ඉන්දීය නළු ජිෂූ සෙන්ගුප්තාත් මේ කතාවට ලොකු බරක් එකතු කරනවා. අනිරුද්ධ් වගේම මෙහි පසුබිම් සංගීතය සහ වර්ණ සංයෝජනය (Color Grading) බෙංගාලි සිනමාවේ තියෙන තාක්ෂණික දියුණුව හොඳටම පෙන්වනවා. 2025 අවුරුද්දේ ඊද් උත්සව සමයේ තිරගත වෙලා වාර්තාගත ආදායමක් ගත්ත මේ ෆිල්ම් එකේ ගොඩක් දර්ශන මුම්බායි සහ හයිද්රාබාද් වැනි සිනමා චිත්රාගාරවල විශාල පිරිවැයක් දරලා තමයි රූගත කරලා තියෙන්නේ. ඒ වගේම සටන් අධ්යක්ෂණයට දකුණු ඉන්දීය සිනමාවේ ප්රවීණයන් සම්බන්ධ වෙලා තියෙනවා. ඉතින් ශකීබ් ඛාන්ගේ ‘Priyotoma’ සහ ‘Toofan’ වගේ ෆිල්ම් බලපු, ඒ වගේම දරුණු පළිගැනීම් සහ උසාවි ඇතුළේ සිද්ධ වෙන සුපිරි ගැටුම් බලන්න ආස අයට කම්මැලිකමක් නැතුව එක දිගට බලන්න පුළුවන් සුපිරිම ඇක්ෂන් ෆිල්ම් එකක් විදියට මේක හඳුන්වන්න පුළුවන්.
