2026 වසරේ තිරගත වුණු, සිනමාලෝලීන් අතර බෙහෙවින් කතාබහට ලක්වුණු "Beast" සිනමාපටය පිළිබඳවයි අද අපි මේ ලිපියෙන් අරගෙන එන්නේ. ඔස්කාර් සම්මානලාභී සුපිරි හොලිවුඩ් නළු Russell Crowe (සැමී ලෙස) සහ Daniel MacPherson (පැටන් ජේම්ස් ලෙස) මෙහි ප්රධාන භූමිකාවන්ට පණ පොවනවා. මීට අමතරව Luke Hemsworth සහ Bren Foster වැනි දක්ෂ නළු පිරිසක්ද රංගනයෙන් දායක වන මෙම සිනමාපටය Tyler Atkins ගේ අධ්යක්ෂණයක්. මෙහි තිර රචනය සඳහාද Russell Crowe සිය දායකත්වය සපයා තිබීම විශේෂත්වයක්. මෙහි කතාව ගෙතෙන්නේ හිටපු MMA (Mixed Martial Arts) සටන් ශූරයෙකු වන 'පැටන් ජේම්ස්' වටායි. සටන් බිමෙන් සමුගෙන වර්තමානයේ සාමාන්ය ධීවරයෙකු ලෙස නිදහසේ ජීවිතය ගත කරන පැටන්ගේ ලෝකය උඩුයටිකුරු වන්නේ ඔහුගේ ආදරණීය මල්ලි මුහුණ දෙන අතිශය අවදානම් සහගත කරදරයක් නිසයි. තමන්ගේ සහෝදරයාව බේරාගැනීම වෙනුවෙන් වෙනත් කිසිදු විකල්පයක් නොමැති තැන, ඔහුට නැවත වතාවක් දරුණු සටන් වළල්ලට (Cage එකට) පිවිසීමට සිදු වෙනවා. මේ දැවැන්ත අභියෝගය ජය ගැනීම සඳහා ඔහු සිය පැරණි පුහුණුකරු වන සැමීව (Russell Crowe) සොයා යනවා. ඔහුට ONE Championship තරඟාවලිය යටතේ MMA ලෝකයේ වත්මන් අනුකම්පා විරහිතම සහ දරුණුම ශූරයා වන 'ෂේවියර් ග්රෝ' (Xavier Grau) සමඟ අවසාන මහා සටනකට මුහුණ දීමට සිදු වෙනවා. මෙම සටන ඔහුගේ මල්ලිගේ ජීවිතය මෙන්ම තමන්ගේ ගෞරවයද රැකගැනීමේ තීරණාත්මක සටනක් වන අතර, පරාජය යනු සියල්ල අහිමි වීමයි. ඔබ ඇක්ෂන් (Action) මෙන්ම MMA සටන් කලාවන්ට ප්රිය කරන කෙනෙක් නම්, මෙහි ඇතුළත් අතිශය තාත්වික සටන් ජවනිකා සහ සැබෑ ONE Championship වටපිටාව ඔබට නැවුම් අත්දැකීමක් ගෙන දෙනු නොඅනුමානයි. මෙය හුදෙක් සටන් පිරිණු සිනමාපටයක්ම පමණක් නොව, සහෝදර ප්රේමය සහ වැටුණු තැනින් නැවත නැගී සිටින (Comeback) අපූර්ව ජීවන අරගලයක්ද කියාපානවා. වයසට ගියද Russell Crowe ගේ විශිෂ්ඨ රංගනය මෙයට සුවිශේෂී වටිනාකමක් එක් කර තිබෙනවා. Sports Thriller සහ Drama ගණයට අයත්, 2026 වසරේ නිකුත් වූ මෙම "Beast" චිත්රපටය මඟ නොහැර නැරඹිය යුතුම එකක්.
