පාවාදීම් සහ පළිගැනීම් මැද, තනි ගැහැනියක් මුළු පාතාල ජාලයකටම එරෙහිව දියත් කරන බිහිසුණු සටනක අත්දැකීමක් විඳගන්න කැමති අයට ඔන්න නියම ප්රංශ සිනමා නිර්මාණයක් ඇවිත් තියෙනවා. ඒ තමයි Badh (2025) එහෙමත් නැත්නම් Agent Zero චිත්රපටය. Guillaume de Fontenay ගේ සුපිරි අධ්යක්ෂණයෙන් හැඩවුණු මේ ක්රියාදාම සහ අපරාධ ගණයට අයිති චිත්රපටය, මුල ඉඳන් අග වෙනකන්ම එක දිගට ඇසිපිය නොහෙලා බලන්න පුළුවන් මට්ටමේ පට්ටම ත්රාසජනක එකක්. කතාව පැත්තට හැරුණොත්, මෙහි ප්රධාන චරිතය වෙන 'බාද්' (Badh) කියන්නේ ප්රංශ බුද්ධි අංශයේ (DGSE) සේවය කරපු අති දක්ෂ රහස් ඒජන්තවරියක්. හැබැයි 2018 අවුරුද්දේ සිරියාවේ සිද්ධ වුණු එක බිහිසුණු මෙහෙයුමකදී ඇගේම ඔත්තු සේවාව විසින් ඇයව දරුණු විදිහට පාවා දෙනවා. මරණය පෙනි පෙනී තිබුණු ඒ අපායෙන් යන්තම් පණ බේරාගන්නා ඇය, තමන්ගේ පරණ ජීවිතය අමතක කරලා 'ඉලියාස්' කියන පුද්ගලයා එක්ක විවාහ වෙලා මොරොක්කෝවේ බොහොම නිදහස්, සාමකාමී ජීවිතයක් ගත කරන්න පටන් ගන්නවා. හැබැයි මේ සාමකාමී දවස් ටික වැඩි කල් පවතින්නේ නැහැ. මන්සූර් (Mansour Khoury) කියන අනුකම්පාවක් නැති දරුණු අවි ජාවාරම්කරුවෙක් බාද්ගේ සැඟවුණු ඉතිහාසය හොයාගෙන ඇවිත් ඇගේ සැමියාව ඝාතනය කරන්න උත්සාහ කරනවා. තමන් පණ වගේ ආදරය කරන සැමියාගේ ජීවිතය වෙනුවෙන් සහ තමන්ට සිද්ධ වුණු පාවාදීමට වන්දි ගෙවන්න බාද්ට ආයෙමත් වතාවක් තමන්ගේ අඳුරු, මාරාන්තික රහස් ජීවිතයට ඇතුළු වෙන්න සිද්ධ වෙනවා. එතනින් එහාට ඇය තනිවම මුළු පාතාල කල්ලියකටම සහ තමන්ව පාවා දුන් දූෂිත නිලධාරීන්ට එරෙහිව කරන සටන පට්ටම උද්වේගකරයි. චිත්රපටයේ තියෙන ලොකුම ප්ලස් පොයින්ට් එක තමයි මෙහි එන සටන් ජවනිකා. සාමාන්ය ෆිල්ම්ස්වල දකින අහසින් පනින, බොරු ෆයිට්ස් වෙනුවට ඇඟට දැනෙන, පට්ටම තාත්වික සහ උපක්රමශීලී සටන් රටාවක් තමයි මේකේ දකින්න ලැබෙන්නේ. ප්රධාන චරිතය රඟපාන Marine Vacth තමන්ගේ ඇක්ෂන් ලෙවල් එක උපරිමයටම අරන් ගිහින් තියෙනවා. හොලිවුඩ් ඇක්ෂන් ෆිල්ම්ස් බලලා එපා වුණු අයට වෙනස්ම විදියේ ප්රංශ සිනමා අත්දැකීමක් ගන්න කියාපු බඩු. ඉතින් මේ සුපිරි සිනමාපටය සිංහල උපසිරැසි එක්කම උසස්ම කොලිටියෙන් නරඹන්න කියලා StreamX අපි ඔයාලට ආරාධනා කරනවා!
