මුළු රටක්ම ඩිජිටල් තාක්ෂණය ඔස්සේ බියගන්වන අභිරහස් සයිබර් ප්රහාරයක් සහ එය මැඩපැවැත්වීමට රාජ්ය බුද්ධි අංශ දියත් කරන මෙහෙයුමක් වටා තමයි "Kayilan" චිත්රපටයේ කතාව ගෙතිලා තියෙන්නේ. අරුල් අජිත් (Arul Ajit) විසින් අධ්යක්ෂණය කර පසුගිය 2025 ඔක්තෝබර් 10 වෙනිදා තිරගත වුණු මෙම ඉන්දියානු සිනමාපටය ක්රයිම් ත්රිලර් (Crime, Cyber Thriller) ශානරයට අයත් නිර්මාණයක්. කතාව පටන් ගන්නේ මුළු රටම අන්දමන්ද කරමින්, රජයේ සහ ප්රධාන ආයතනවල පරිගණක පද්ධති ඉලක්ක කරගෙන එල්ල වන දැවැන්ත හැකර් ප්රහාරයකින් (Cyber attack). තමන්ව "කාර්ති" (Kaari) විදිහට හඳුන්වාගන්නා මේ අදෘශ්යමාන හැකර්වරයා, තමන් ඉදිරිපත් කරන විශේෂ ඉල්ලීම් ටික වහාම ඉටු නොකළහොත් රටේ ඉන්න ප්රකෝටිපති ව්යාපාරිකයන්ව ඉලක්ක කරලා දරුණු ප්රහාර එල්ල කරන බවට රජයට සෘජුවම තර්ජනය කරනවා. මේ සයිබර් ත්රස්තවාදී ප්රහාරය නිසා රටේ ආරක්ෂාව දැඩි අවදානමකට ලක්වෙන අතර, "කාර්ති" කියන මේ අභිරහස් පුද්ගලයා කවුද කියලා සොයාගෙන ඔහුව නීතියේ රැහැනට කොටු කරගැනීමේ භාරදූර වගකීම පැවරෙන්නේ ඉන්දියාවේ "NIA" (National Investigation Agency) බුද්ධි අංශයේ ඉන්න අතිදක්ෂ නිලධාරිනියක් වන "ආදිරායි" (Aadhirai) වෙතටයි. පරිගණක තිරයක් පිටුපස සැඟවී මුළු රටකටම අභියෝග කරන තියුණු මොළයක් ඇති හැකර්වරයා සහ ඔහුව තාක්ෂණික උපක්රම ඔස්සේම හඹායන බුද්ධි අංශ නිලධාරිනිය අතර ඇතිවෙන මේ බුද්ධිමය සටන (Cat and mouseගේම් එක) කොහොම කෙළවර වෙයිද කියලා සයිබර් ත්රිලර් කතාවලට ආස අයට මිනිත්තු කිහිපයකින් නරඹලා බලාගන්න පුළුවන්.
