පසුගිය අප්රේල් 24 වෙනිදා තිරගත වුණු "Hijacked" චිත්රපටය මිනිත්තු 80ක වගේ කෙටි ධාවන කාලයකින් යුතු හොලිවුඩ් ත්රිලර් (Thriller) නිර්මාණයක්. හැබැයි IMDb දර්ශකයේ මේකට ලැබිලා තියෙන්නේ 3.0ක වැනි සෑහෙන අඩු ප්රේක්ෂක අගයක්. කතාව පැත්තට හැරුණොත්, මර්ලන් (Marlon) කියන පුද්ගලයාගේ බිරිඳව එකපාරටම කවුරුන් හෝ විසින් පැහැරගෙන ගොස් ප්රාණ ඇපකාරියක් (Hostage) විදිහට රඳවා තබාගන්නවා. හැබැයි බිරිඳ ළඟ තිබුණු Air Tag එකක් නිසා ඇයව අරන් ගියපු ගමන් මඟ සොයාගන්න මර්ලන්ට පුළුවන් වෙනවා. මේ Air Tag එක ඔස්සේ සෙවිල්ලෙන් යන ඔහුට අවසානයේදී බිරිඳව හංගලා ඉන්න තැන හොයාගන්න ලැබුණත්, එතන දැවැන්ත බෝම්බයක් අටවා ඇති බව ඔහු දකිනවා. මේ ගැන දැනගත්තු ගමන් පොලිසියේ බෝම්බ නිශ්ක්රීය අංශය (Bomb Squad) එතැනට ආවත්, නීති රීති අස්සේ ඔවුන් පරීක්ෂණ කරලා මේක විසඳනකම් බලාගෙන ඉන්න තරම් ඉවසීමක් හෝ කාලයක් මර්ලන්ට නැහැ. මොකද පොඩ්ඩක් හෝ ප්රමාද වුණොත් තමන්ගේ බිරිඳගේ ජීවිතය නැතිවෙන්න පුළුවන් කියලා ඔහු දන්නවා. "මට ඔයාලා මේක විසඳනකම් බලන් ඉන්න වෙලාවක් නෑ, මගේ බිරිඳ ඉන්නේ එතන, මම එයාව බේරගන්න ඕනේ!" කියලා පොලිසියටත් අභියෝග කරලා මර්ලන් කෙළින්ම බෝම්බය තියෙන තැනට කඩාගෙන පනිනවා. කිසිම පූර්ව අත්දැකීමක් නැතිව, තත්පර ගණනකින් පුපුරන්න යන බෝම්බය නිශ්ක්රීය කරලා තමන්ගේ බිරිඳවත් බේරගෙන මේ අනතුරෙන් ගැලවෙන්න මර්ලන්ට පුළුවන් වෙයිද කියන එක තමයි කතාව පුරාම තියෙන්නේ.
