නත්තල් දා රාත්රියේ තමන්ගේ රැකියාවේ වැඩකටයුතු නිසා බොහොම ප්රමාද වෙලා කාර්යාලයෙන් පිටවෙන තරුණියකට, පාලු භූගත රථ ගාලක් (Underground Parking Lot) ඇතුළතදී මුහුණ දෙන්න සිද්ධ වෙන බියකරු අත්දැකීමක් වටා තමයි "P2" චිත්රපටයේ කතාව ගෙතිලා තියෙන්නේ. 2007 වර්ෂයේදී තිරගත වුණු, විනාඩි 98ක් පුරා දිවෙන මේ හොරර් ත්රිලර් (Horror, Thriller) හොලිවුඩ් චිත්රපටයට IMDb එකේ 6.2ක සාධාරණ හොඳ රේටින් එකක් ලැබිලා තියෙනවා. කතාව පැත්තට හැරුණොත්, ඇන්ජෙලා (Rachel Nichols) කියන්නේ ඉතාමත් කාර්යබහුල ආයතනික නිලධාරිනියක්. නත්තල් නිවාඩුවට පවුලේ අය මුණගැහෙන්න යන්න හිතාගෙන ඇය හැමෝම ගියාට පස්සේ බොහොම රෑ වෙලා තමන්ගේ වාහනය නවත්වලා තියෙන භූගත රථ ගාලේ "P2" කියන තට්ටුවට (Level P2) එනවා. හැබැයි ඇයගේ වෙලාවට එදා රෑ කාරය පණගැන්වෙන්නේ නැහැ. ජංගම දුරකථන සංඥාත් නැති මේ පාලු තැනදී ඇයට උදව්වට එන්නේ එතැන වැඩ කරන තෝමස් (Wes Bentley) කියන ආරක්ෂක නිලධාරියායි. නමුත් ඇන්ජෙලා කිසිසේත්ම දැනගෙන හිටියේ නැහැ තෝමස් කියන්නේ කලක ඉඳන් ඇය ගැන අසීමිතව වහවැටිලා, ඇයගේ හැම හැසිරීමක්ම රහසින් නිරීක්ෂණය කරපු දරුණු මනෝව්යාධිකයෙක් (Psychopath) කියලා. තමන්ගේ ආදරය බලහත්කාරයෙන් හෝ ලබාගන්න හිතාගෙන තෝමස් එදා රෑ ඇන්ජෙලාව පැහැරගෙන ඒ භූගත රථ ගාල ඇතුළේම හිරකරලා තබනවා. කිසිම කෙනෙක් උදව්වට එන්නේ නැති, හැම පැත්තකින්ම වැසුණු මේ බියකරු රථ ගාල ඇතුළේ ආරක්ෂක නිලධාරියාගෙන් බේරිලා තමන්ගේ ජීවිතය රැකගන්න ඇන්ජෙලා කරන සටන තමයි කතාව පුරාම තියෙන්නේ. සීමිත වටපිටාවක් ඇතුළත කුතුහලය සහ තිගැස්ම උපරිමයෙන්ම දනවන චිත්රපට නැරඹීමට කැමති අයට මේක හොඳ තේරීමක්.
